Жывёлаводаў УП «Шумілінскі райаграсэрвіс» віншавалі з навагоднімі святамі

Перад Новым годам райкам прафсаюза работнікаў АПК і прафсаюзны камітэт сельскагаспадарчых прадпрыемстваў заклапочаны тым, каб ніводны работнік не застаўся без віншаванняў.

Усяго прафсаюзам АПК закуплена 1200 падарункаў, якія развозяцца па фермах, майстэрнях, складах, канторах. На дабрачынную акцыю «Прафсаюз віншуе» мы завіталі на фермы Цэнтр-1 і Цэнтр-2 у Светласельскім УП «Шумілінскі райаграсэрвіс». У пакоі адпачынку тут адчувалася сапраўднае свята: прыбраная ёлка да столі, гірлянды, сняжынкі. Да жывёлаводаў з тартамі і гарбатай прыехалі дырэктар прадпрыемства Сяргей Бегуноў і яго намеснік Таццяна Сасновіч. Яны падзякавалі жывёлаводам за работу, пажадалі далейшых поспехаў і дабрабыту.

Цёплыя словы ў адрас работнікаў фермаў сказала старшыня прафсаюзнай арганізацыі Алена Пудава. Яна выказала надзею, што на фермах будуць добрыя надоі і прывагі, бо менавіта ад гэтага залежыць дабрабыт прадпрыемства. Ад прафсаюза кожны работнік атрымаў па салодкаму падарунку, ад прадпрыемства былі ўручаны падарункі для дзяцей жывёлаводаў. Напрыканцы мерапрыемства слова ўзяла старшыня райкама прафсаюза работнікаў АПК Вольга Пусянкова. Яна падзякавала работнікам фермаў за старанне, шчырасць, працавітасць і вытрымку. Уручыла для пакояў адпачынку ферм насценныя гадзіннікі, а для жывёлаводаў – кубкі для чаю.

Матэрыял vitebskprofapk.by ^[1]

Читайте также:

Финансовому институту – 99 лет! Беларусбанк отметил День рождения ^[2]

В Полоцком районе работала «Школа Волшебников» ^[3]

Профсоюзы – детям. Воспитанники Дома ребенка принимали гостей ^[4]

Профорганизации Витебщины проведут глубокий анализ профсоюзного членства ^[5]

Витебское областное объединение профсоюзов возглавил Юрий Деркач ^[6]

Обком профсоюза работников МП и КБП помог 40 детям-сиротам ^[7]