«Вішнёвы фестываль – 2018» у Глыбокім
Традыцыйна першы дзень “Вішнёвага фестывалю” адкрыў Дзень грамадскіх аб’яднанняў рэгіёна, у якім прынялі ўдзел раённае аб’яднанне прафсаюзаў, раённая арганізацыя Беларускага грамадскага аб’яднання ветэранаў, раённае грамадскае аб’яднанне “Беларускі саюз афіцэраў”, раённая арганізацыя “Беларускі Саюз ветэранаў вайны ў Афганістане”, раённае аб’яднанне “Беларускі саюз жанчын”, раённая арганізацыя грамадскага аб’яднання “Беларускі рэспубліканскі саюз моладзі” і іншыя.
Падчас мерапрыемства з прывітальным словам да гасцей і ўдзельнікаў свята звярнуўся старшыня Глыбоцкага раённага выканаўчага камітэта Алег Віктаравіч Морхат.
На галоўнай пляцоўцы свята – гарадской плошчы адбылося ўзнагароджванне пераможцаў творчага конкурсу сярод дзяцей “Які цудоўны гэты свет”, арганізатарам якога выступіла раённае аб’яднанне прафсаюзаў. Пераможцамі дадзенага конкурсу сталі выхаванцы дзіцячых садкоў з Глыбокага Васіліса Будкіна, Вікторыя Закрэўская і Злата Харэвіч.
Святочны настрой глыбачанам і гасцям вішнёвай сталіцы падаравалі ўдзельнікі Рэспубліканскай народна-патрыятычнай акцыі Федэрацыі прафсаюзаў Беларусі “Мы – разам!”, што ў бягучым годзе праходзіць пад лозунгам “З вялікай любоўю да малой радзімы!”. Мерапрыемства адбылося з удзелам Народнай артыскі Беларусі Ядвігі Паплаўскай, зорак беларускай эстрады Вольгі Плотнікавай і Аляксея Хлястова, фіналістаў прафсаюзнага конкурсу творчасці працоўных калектываў “Новыя імёны Беларусі”, аматарскія калектывы мастацкай творчасці.
Падчас канцэрта акцыі “Мы – разам!” адбыліся ўзнагароджванне жыхароў рэгіёну Падзякамі Федэрацыі прафсаюзаў Беларусі і Ганаровымі граматамі абласнога аб’яднання прафсаюзаў. Не абышлося і без ушанавання дынастый. Так, ушаноўвалі прадстаўнікоў дынастый Шаплыка-Болтуць і Якаўлевых. Першыя прастаўнікі звязалі свой працоўны лёс з Занальным вузлом электрасувязі РУП “Белтэлеком”, другія – з адукацыяй.
Андрэй Струнчанка, галоўны спецыяліст Віцебскага абласнога аб’яднання прафсаюзаў
