Металургі Міёрскага металапракатнага завода сталі пераможцамі конкурсу прафмайстэрства ў Магнітагорску
10 января, 2020Як расказаў енеральны дырэктар ММПЗ Пётр Шымуковіч, два работнікі прадпрыемства, якія праходзілі навучанне ў расійскім Магнітагорску, вярнуліся пераможцамі конкурсу прафесіянальнага майстэрства сярод рабочых металургічнага камбіната. Ураджэнцы Верхнядзвіншчыны Аркадзь Ралавец і Яўген Жвірбля вырашылі змяніць прафесію і стаць вальшчыкамі стана халоднай пракаткі. Прайшлі двухмесячныя курсы, па заканчэнні якіх здзівілі не толькі таварышаў па вучобе, але і вопытных спецыялістаў. Менавіта беларусы па выніках конкурсу былі прызнаны лепшымі аператарамі паста кіравання стана халоднай пракаткі. Аркадзь заняў першае, а Яўген другое месца.
Персанал будучага завода налічвае ўжо звыш за 300 чалавек і, па словах генеральнага дырэктара, павялічыцца яшчэ больш чым удвая. Многія праходзяць падрыхтоўку ў Германіі, Швейцарыі, Бельгіі, Расіі. У іх ліку шмат мясцовай моладзі, хто звязвае з прадпрыемствам вялікія надзеі і таму плануе будаваць сваё жыццё менавіта на Міёршчыне.
Источник:«Витебские вести» [1]
Фота з адкрытых крыніц