🔹 Областной слет “серебряных ” волонтеров провели в Браславе

Областной слет» серебряных ” волонтеров провели в Браславе. В Беларуси среди многих полезных инициатив особенно выделяется волонтерское движение. ^[1]
Прычым шэрагі тых, хто бескарысліва дапамагае іншым, папаўняюць і людзі старэйшага пакалення, якія ўжо выйшлі на заслужаны адпачынак, але захавалі актыўную жыццёвую пазіцыю. Віцебшчына ў лідарах па іх колькасці, сутнасць жа дабрачыннай дзейнасці прадставілі на абласным злёце «сярэбраных» валанцёраў, які прайшоў у Браславе.
На маштабнае мерапрыемства пад назвай «Твары дабро» сабраліся прадстаўнікі валанцёрскіх груп, арганізаваных пры тэрытарыяльных цэнтрах сацыяльнага абслугоўвання насельніцтва Глыбоцкага, Міёрскага, Браслаўскага, Пастаўскага, Шаркаўшчынскага і Докшыцкага раёнаў.

Ужо ў фае мясцовага цэнтра культуры, дзе працавалі інтэрактыўныя пляцоўкі, можна было пазнаёміцца з практычнымі вынікамі работы добраахвотнікаў «сярэбранага» ўзросту. Удзельнікі і шматлікія госці злёту з цікавасцю разглядалі насычаныя і разнастайныя выстаўкі-прэзентацыі. Адмысловыя вырабы ды інфармацыйныя стэнды давалі яскравае ўяўленне пра накірункі дзейнасці сталых валанцёраў, якія, навучыўшыся новаму, шчодра перадаюць свае ўменні іншым.

Кола іх інтарэсаў надзвычай шырокае: рукадзелле, турпаслугі, скандынаўская хадзьба, танцы, прафілактыка дэменцыі, развядзенне кветак і г. д. – усё, зразумела, ахапіць немагчыма. Дарэчы, гаспадары кожнай пляцоўкі ахвотна дзяліліся напрацоўкамі з усімі жадаючымі.

Прадоўжылася работа абласнога злёту дэманстрацыяй відэаролікаў: групы добраахвотных памочнікаў дэталёва прадставілі свой вопыт работы, расказалі пра найбольш паспяховыя праекты. Перад гледачамі прамільгнуў сапраўдны калейдаскоп добрых і карысных спраў. Пакарылі прысутных у зале і выдатныя творчыя выступленні, падрыхтаваныя сталымі валанцёрамі. Нездарма начальнік упраўлення райвыканкама па працы, занятасці і сацыяльнай абароне Галіна Караткова, вітаючы прысутных, назвала мерапрыемства святам таленту і душы.

Узнёслы настрой падтрымалі вакальнымі і танцавальнымі нумарамі артысты РЦК, а ўрачыстасці дадала цырымонія ўзнагароджання: дырэктар ТЦСАН Браслаўскага раёна Вікторыя Атрашкевіч, падзякаваўшы ўдзельнікам злёту за высакародную дзейнасць, уручыла самым актыўным з іх дыпломы камітэта па працы, занятасці і сацыяльнай абароне аблвыканкама і каштоўныя падарункі.

Вікторыя ДЗЕМІДОВІЧ, валанцёр клуба «Неабыякавыя суседзі», Глыбоцкі раён про областной слет “серебряных ” волонтеров:

– Гэтая справа – валанцёрства – вельмі карысная і высакародная. Ды і самім жа прыемна людзям рабіць дабро, прыносіць радасць. Бывае, што часу нямала даводзіцца затраціць, але ж зусім не шкада. Лічу, што арганізавана ўсё правільна, трэба і далей працягваць такую работу.

“Браслаўская звязда” Жанна БЯЛЬКО ^[2]